स्त्री, प्रकृति र सृष्टि
अध्यात्म

स्त्री, प्रकृति र सृष्टि


श्री गणेशाय नम: 

वास्तविक पतिव्रता स्त्रिको शरिरमा स्पर्श गर्न स्वयम भगवान सुर्य समेत डराउछन ।  सुर्यका रश्मी (किरण) त्यस्ता पतिव्रता स्त्रीको दर्शन गर्ने हेतुले मात्र छुदछन ।  भनिन्छ सुर्य भगवानको शक्ती, पतिव्रता स्त्रिको अगाडि झुक्दछ ।  


पुराण आदी शास्त्रका अनुसार कतिपय अवस्थामा भयङकर ठुला राक्षसहरुको जीवन बुटी समान उनिहरुका पतिव्रता स्त्री (पत्नी) हरु भएकै कारण उनिहरुको बध गर्न देवता गणलाई गार्हो पर्ने कुरा वर्णन गरिएको पाईन्छ ।  श्री स्वस्थानी व्रत कथामा मै वर्णित कुरालाई आधार मान्ने हो भने एक प्रसँग अत्यन्त रोचक छ ।  त्यहा भनिएको छ कि जालन्धरलाई मार्न नसके पछी भगवान बिष्णुले उनको पत्निको पतिव्रता धर्म नस्ट गर्नु परेको थीयो । जुन पुरुषका  साथमा त्यस्ता देवी समान स्त्रिहरु छन उनिहरुलाई कदापी दु:ख वा संकटपूर्ण  अवस्था झेल्नु पर्दैन भन्ने शास्त्रहरुको वचन रहेको छ ।  


पतिव्रता  स्त्रीहरुमा आफ्नो बितिसकेको पतीलाई स्वर्ग नै गैकन फर्काउन सक्ने सामर्थ्य समेत हुन्छ भनेर शास्त्र हरुमा वर्णन गरेको पाईन्छ । पुर्विय दर्शन शास्त्रहरुका अनुसार केवल पतिव्रता   स्त्री हरुबाट मात्र विश्वविजयी महापुरुश (चक्रवर्ती महाराज) हरुको जन्म हुन्छ ।  केवल पतिव्रता   स्त्रिहरुका कोख मात्र ति महान सन्तति जन्माउन योग्य हुन्छन ।  महान विश्वविजयी महाराज, धर्मज्ञ साधु सन्त र विद्वान विदुशीहरुका जन्म त्यस्तै धर्मज्ञ   माताका कोखहरुका पारीणाम हुन । धन्य हुन ति मार्यादा पुरुशोत्तम भगवान राम जन्माउने कौश्यलाका कोख र सच्चिदानन्द सर्वेस्वर श्री कृष्ण जन्माउने कोख  ।  त्यस्तै धन्य हुन ति महान वाल्मिकी, कश्यप, गार्गी, कपिल र जनक आदी तत्व दर्शी सन्तहरु जन्माउने कोखहरु ।  र त्यस्तै  महान छन ति पृथ्वी नारायण, भानुभक्त, अमरसिङ  र बलभद्र आदी जन्माउने कोखहरु । 


 देश, समाज र विश्वलाई नै आनन्ददायी बनाउने, युगयुगान्तर सम्म यश किर्ती रहीरहने महापुरुसका माताहरु जसलाई जती पटक नमन गरे तापनी पूर्ण हुँदैन ।  ति महान माताहरुकै कारण यो धर्ती पुलकित छ, प्रसन्न छ र भाग्यमानी छ किनकी समय समय समयमा हामीले बिभिन्न रुपधारी भगवान साधु सन्त लगायत महापुरुषहरुको दर्शन गर्न पाइरहेका छौ । यो विश्व कस्तो हुने, कस्तो बनाउने, कस्ता प्रतिभा जन्माउने भन्ने कुरा केवल स्त्रिको हातमा हुन्छ ।  


यो सब हुनुमा स्त्रिको आचरण, उनको पतिव्रता   धर्म र योग तपमा भर पर्छ ।  त्यसैले यो सारा विश्वलाई नै धर्तिमाता भनिएको हो ।  देशलाई माता भनिएको हो । प्राकृतिक अवयवहरु जसद्वारा यो संसार पालन पोषण र संचालन हुन्छ उनैलाई गौरी, पार्वती, महेस्वरी र उमा आदी नामले पुकारीन्छ  ।  उनैको वास्तविक परिचय प्रकृति वा माता हो । यो जगतको सृष्टि  कालमा जव परमात्मा परमेश्वर  ब्रम्हालाई रचना गर्ने ईच्छा जाग्यो तव देवीको शक्ती आवशयकता पर्‍यो ।  देवीको शक्ती बिना ब्रम्हाजी सृष्टि   गर्न सक्नुहुन्न, बिष्णु जि पालन गर्न सक्नु हुन्न र रुद्र जि देवी दुर्गाको शक्ती बिना संहार गर्न सक्नु हुन्न । 


पुरुष तत्वलाई चेतना र स्त्री तत्व लाई प्रकृति भनिन्छ ।  प्रकिति र पुरुषको मिलन नै सृष्टि हो,  स्थिती हो र संहार हो ।  यो जगत यसै नियममा आधारित छ ।  यो भन्दा भिम्न प्रकृतिमा न कुनै प्राणी छ न कुनै भौतिक वस्तु नै ।  प्राणी जनको मुल पारीभाषा    नै प्रकृति र चेतनाको संयोजन हो । 


जय श्री गौरी हर 

।। भवानी शंकरको जय ।।