कविता: दुई तिहाइको सरकारलाई हेप्नी ?
मैले तिरेको करले ऊ मुटु जचाउन सिंगापुर धाउछ
ऊ भने मलाई मुटु नै नभएको भन्छ,
उस्ले कयौ पटक मिर्गौलाको पानी नै फेरिसक्यो
तर मैले पिउने पानी लिन दिनभरी पहाड छिचोल्नु पर्छ
म केहि गुनासो पोखे जस्तो गर्छु, यो त भएन नि सरकार !
ऊ माथी आशनबाट घुर्की लगाएर भन्छ,
दुइ तिहाइको सरकारलाई हेप्नी ?
- - - - - - - - - - - -
मलाई जवर्जस्ती जनता बनाएर गर्नु सम्म गर्यो
मेरो जवानी बिदेशिलाई पटक पटक सुम्पियो
निर्मलाहरुलाई कुबेत अनि साउदीमा लगेर बेच्यो
गोविन्द गौतमहरुलाई सिमाना मै बली चडायो
म केहि गुनासो पोखे जस्तो गर्छु, यो त भएन नि सरकार !
ऊ माथी आशनबाट घुर्की लगाएर भन्छ,
दुइ तिहाइको सरकारलाई हेप्नी ?
- - - - - - - - - - -
मलाई त किन-किन यो सरकार, सरकारजस्तो नै लाग्दैन्
यहाँ कोही शाषक छ जस्तो पनि लाग्दैन्
राजनैतिक दल नै दल जस्तो लाग्दैन्
मलाई अक्सर मन्त्रीहरु नै मन्त्री जस्तो लाग्दैन
म केहि गुनासो पोखे जस्तो गर्छु, यो त भएन नि सरकार !
ऊ माथी आशनबाट घुर्की लगाएर भन्छ,
दुइ तिहाइको सरकारलाई हेप्नी ?
- - - - - - - - - - -
म नेता लाई भोट हाल्छु भन्छु, उ माफिया लाई चुनावमा लडाउछ,
म गुण्डा लाई नमस्कार गर्दिन भन्छु, उसैलाई मेरो मालिक बनाउछ
म देशद्रोहीलाई मान्दिन भन्छु, उसैलाई मन्त्री बनाउछ
मैले हत्यारा र बलत्कारीलाई कसरी शाषक मान्नु
म केहि गुनासो पोखे जस्तो गर्छु, यो त भएन नि सरकार !
ऊ माथी आशनबाट घुर्की लगाएर भन्छ,
दुइ तिहाइको सरकारलाई हेप्नी ?
- - - - - - - - - - -
मेरो नैतिकता ले काम गर्छ जस्तो लाग्छ
गल्ती लाई गल्ती भन्न सक्छु जस्तो लाग्छ
न म देश बेचेको नै हेरेर बस्न सक्छु
मलाई मान्छे मारेको कत्ती मन पर्दैन्
मलाई ढाटेको र छलेको झानै मन पर्दैन
त्यही भएर म उस्को छौडा र अरिङगाल हुन सकिन
म केहि गुनासो पोखे जस्तो गर्छु, यो त भएन नि सरकार !
ऊ माथी आशनबाट घुर्की लगाएर भन्छ,
दुइ तिहाइको सरकारलाई हेप्नी ?
सम्बन्धित लेखहरू
